Esta iniciativa nace para agradecer a importante labor que José Manuel Pérez Canal realizou ao promover o deporte entre a mocidade. Dende sempre, Pérez Canal tivo claro a relevancia que o deporte base supón na educación das novas xeracións. As actividades deportivas coma o fútbol, o baloncesto, o voleibol ou a ximnasia rítmica serven para fomentar entre os máis cativos valores como o compromiso, o traballo en equipo o sacrificio ou o afán de superación.

Por iso, nunca dubidou en dar a nenos e nenas o seu apoio incondicional na práctica das diferentes disciplinas deportivas.